Fastizs da chaschiel dad avant 3000 onns en Val Tasna

http://www.rtr.ch/novitads/grischun/engiadina/fastizs-da-chaschiel-dad-avant-3000-onns-en-val-tasna

En Val Tasna en Engiadina Bassa han archeologs chattà fastizs da chaschiel. I è pussaivel che purs han gia producì chaschiel avant radund 3000 onns.

Gia avant set onns han archeologs chattà ina sensaziun en Val Tasna, numnadamein ina tegia d’alp ch’è rodund 3000 onns veglia. Ina sensaziun perquai ch’ins aveva fin lura anc mai chattà insatge sumegliant, uschia Thomas Reitmaier l’archeolog chantunal dal Grischun. Uss han ins dentant schizunt chattà sin stgaglias rests da grass da latg. Quai munta che latg è vegnì cuschinà e ch’i è forsa schizunt già vegni producì chaschiel. Per quai tschantschì cunzunt er che chaschiel è pli simpel da conservar e pli simpel da transportar.

Betg il pli vegl chaschiel insumma

Che quai è uss dentant il pli vegl chaschiel da muntagna insumma na crai Thomas Reitmaier betg. Archeologs da las alps vegnian uss segiramain ad intercurir tut las stgaglias sin rests da grass da latg. Uschia ch’i saja probabel ch’il chat en Val Tasna è pir l’entschatta e ch’i vegn probabel anc chattà chaschiel pli vegl en las alps.

RR Actualitad bunura 08:00

RTR/bu

maletg_simbolic_span12

Über silvretta historica

Ein interdisziplinäres und archäologisches Forschungsprojekt des Archäologischen Dienstes Graubünden sowie der Universität Zürich im Silvrettagebirge zur prähistorischen Besiedlungsgeschichte der Alpen, in Zusammenarbeit mit Partnern aus der Schweiz, Österreich und Deutschland.
Dieser Beitrag wurde unter Uncategorized veröffentlicht. Setze ein Lesezeichen auf den Permalink.